پاکستان کی قومی ہینڈ بال ٹیم نے شاندار کارکردگی کا مظاہرہ کرتے ہوئے ایشین بیچ ہینڈ بال چیمپئن شپ 2025 کے سیمی فائنل میں جگہ بنا لی۔

مسقط میں جاری چیمپئن شپ کے سنسنی خیز کوارٹر فائنل میں پاکستان نے سعودی عرب کو 1-2 سے شکست دے کر ایونٹ کے فائنل فور میں رسائی حاصل کی۔

پاکستان نے میچ کے تین سیٹس میں عمدہ کارکردگی کا مظاہرہ کیا۔ پہلے سیٹ میں سعودی عرب کو 04-17 کے واضح فرق سے شکست دی۔ دوسرے سیٹ میں سعودی عرب نے کم بیک کرتے ہوئے 14-06 سے کامیابی حاصل کی۔

فیصلہ کن سیٹ میں پاکستانی کھلاڑیوں نے بہترین حکمت عملی اپنائی اور 04-08 سے کامیابی اپنے نام کی۔کوارٹر فائنل تک رسائی حاصل کرنے سے پہلے پاکستان نے گروپ مرحلے میں بھی شاندار کارکردگی دکھائی۔

ٹیم نے اپنے روایتی حریف بھارت اور فلپائنز کو شکست دے کر پوائنٹس ٹیبل پر مضبوط پوزیشن حاصل کی۔ ایران اور اردن کے خلاف میچز میں پاکستان کو شکست کا سامنا کرنا پڑا۔

تاہم ٹیم نے حوصلہ بلند رکھتے ہوئے کوارٹر فائنل میں زبردست کم بیک کیا ہے۔