دبئی: افغانستان کے سینئر آل راؤنڈر محمد نبی نے سری لنکن کرکٹر دنیتھ ویلالاگے کے والد کے انتقال پر گہرے دکھ اور افسوس کا اظہار کیا ہے۔

افغان آل راؤنڈر محمد نبی نے سری لنکن کرکٹر کو ’’بھائی‘‘ قرار دیتے ہوئے کہا کہ وہ اس کڑے وقت میں ہمت اور حوصلہ رکھیں۔

Heartfelt condolences to Dunith Wellalage and his family on the loss of his beloved father.

Advertisement

Stay strong Brother pic.twitter.com/d6YF2BhlnV

— Mohammad Nabi (@MohammadNabi007) September 18, 2025

دنیتھ ویلالاگے ایشیاکپ 2025 کے لیے دبئی میں اپنی ٹیم کے ہمراہ موجود تھے جب ان کے والد گزشتہ روز انتقال کرگئے۔

یہ افسوسناک اطلاع انہیں افغانستان کے خلاف میچ کے اختتام پر ٹیم منیجر نے دی۔ گزشتہ روز کھیلے گئے میچ میں ویلالاگے نے 4 اوورز میں 49 رنز کے عوض ایک وکٹ حاصل کی تھی۔

تاہم میچ کے دوران انہیں والد کے انتقال کی خبر نہیں دی گئی تاکہ وہ ذہنی دباؤ سے بچ سکیں۔ یہ خبر میچ ختم ہونے کے بعد بتائی گئی جس پر سری لنکن ٹیم مینجمنٹ اور ساتھی کھلاڑیوں نے ان سے دلی ہمدردی کا اظہار کیا۔

No son should go through this

Jayasuriya & team manager right after the game communicated Dinuth Wellalage the news of his father’s passing away.pic.twitter.com/KbmQrHTCju

— Rajiv (@Rajiv1841) September 18, 2025

دلچسپ امر یہ ہے کہ اسی میچ میں محمد نبی نے اننگز کے آخری اوور میں ویلالاگے کو لگاتار پانچ چھکے لگائے اور ایک اوور میں 32 رنز بنا ڈالے۔

لیکن میچ کے بعد جب والد کے انتقال کی اطلاع سامنے آئی تو محمد نبی سمیت تمام ہی کھلاڑی رنجیدہ ہوگئے۔