انٹرنیشنل کرکٹ کونسل (آئی سی سی) نے بھارتی کپتان سوریا کمار یادیو کو کوڈ آف کنڈکٹ کی خلاف ورزی کا مرتکب قرار دے کر بھاری جرمانہ عائد کردیا۔

آئی سی سی نے بھارتی کپتان سوریاکمار یادیو کو ضابطہ اخلاق کی خلاف ورزی کا مرتکب قرار دے کر میچ فیس کا تیس فیصد جرمانہ عائد کردیا۔

یاد رہے کہ بھارتی کپتان نے آئی سی سی کوڈ آف کنڈکٹ کی خلاف ورزی کی ہے جب کہ بھارتی پر  پر الزام ہے کہ انہوں نے سیاسی نوعیت کے بیانات دیے ہیں۔

خیال رہے کہ پی سی بی نے سوریاکمار کے ریمارکس پر باضابطہ شکایت درج کرائی تھی، میچ ریفری رچی رچرڈسن نے ان کے خلاف فیصلہ سنایا جب کہ بھارت نے اس فیصلے کے خلاف اپیل دائر کردی ہے۔

دوسری جانب آئی سی سی نے حارث رؤف اور صاحبزادہ فرحان کی پیشی کا فیصلہ بھی سنادیا، حارث رؤف پر میچ فیس کا 20 فیصد جرمانہ عائد اور اشارے کرنے پر وارننگ بھی دی گئی۔

صاحبزادہ فرحان پر جرمانہ عائد نہیں کیا گیا جب کہ انہیں بلا بندوق کی طرح لہرانے پر صرف وارننگ ملی ہے۔ آئی سی سی نے دونوں کھلاڑیوں کو لیول ون جرم کا مرتکب قرار دیا ہے۔

واضح رہے کہ بھارت کے خلاف ایشیاکپ کے میچ میں حارث رؤف نے 0-6 کا اشارہ کیا تھا جب کہ صاحبزادہ فرحان نے اپنی ففٹی کی سیلیبریشن پر بلے کو بندوق کی طرح لہرایا تھا۔