ون ڈے سیریز کے پہلے ون ڈے میچ میں پاکستان نے جنوبی افریقا کو 2 وکٹوں سے شکست دے کر سیریز میں ایک صفر کی برتری حاصل کر لی۔

پاکستان نے جنوبی افریقا کا 264 رنز کا ہدف 49.4 اوورز میں 8 وکٹوں کے نقصان پر پورا کر لیا۔

پاکستان کی جانب سے فخر زمان نے 45، صائم ایوب 39، محمد رضوان 55، سلمان آغا 62 اور حسین طلعت نے 22 رنز بنائے۔

پروٹیز کی جانب سے لونگی نگیڈی، ڈونووین فریرا اور کوربن بوش نے 2،2 کھلاڑیوں کو آؤٹ کیا۔

پاکستان اور جنوبی افریقہ کی ٹیموں کے درمیان ون ڈے سیریز کا پہلا میچ فیصل آباد میں کھیلا جارہا ہے جس میں پاکستان نے ٹاس جیت کر پہلے فیلڈنگ کرنے کا فیصلہ کیا۔

جنوبی افریقہ کی ٹیم پہلے بیٹنگ کرتے ہوئے 49.1 اوورز میں 263 رنز آل آؤٹ ہوگئی، کوئنٹن ڈی کوک 63 رنز کے ساتھ نمایاں بلے باز رہے۔

علاوہ ازیں لہوآن ڈرے پریٹوریس 57، کپتان میتھیو بریٹزکی 42، کاربن بوش 41، سینیتھبا کیشائل 22 اور ٹونی ڈی زورزی 18 رنز بناکر آؤٹ ہوئے۔

پاکستان کی جانب سے نسیم شاہ اور ابرار احمد نے 3،3 شکار کیے جب کہ صائم ایوب 3 وکٹیں لینے میں کامیاب رہے، محمد نواز اور شاہین آفریدی نے 1،1 وکٹ حاصل کی۔

واضح رہے کہ فیصل آباد میں 17 سال بعد انٹرنیشنل کرکٹ کی واپسی ہوئی ہے جب کہ ٹاس کے موقع پر شاہین آفریدی کا کہنا تھا کہ تمام کھلاڑی پرجوش اور پراعتماد ہیں، ٹی ٹوئنٹی میں اچھی پرفارمنس کے بعد حوصلے بلند ہیں۔