نوجوان بلے باز سعود شکیل نے ایک  ہی دن میں کئی ریکارڈز توڑ ڈالے۔

سری لنکا کے خلاف گا ل میں جاری ٹیسٹ میچ میں سعود شکیل نے کیریئر بیسٹ 208 رنز کی ناقابل شکست اننگز کھیلی۔

وہ سری لنکا  میں ڈبل سنچری کرنے والے پہلے پاکستانی کھلاڑی بن گئے۔

اس ڈبل سنچری کے بعد سعود شکیل کے  مجموعی رنز 788 ہوگئے جو ٹیسٹ کرکٹ کی ابتدائی 11 اننگز میں کسی بھی  پاکستانی کی جانب سے سب سے زیادہ اسکور ہے۔

https://twitter.com/TheRealPCB/status/1681284326422634496

اس کے علاوہ سعود شکیل سب کو پیچھے چھوڑتے ہوئے آل ٹائم لیجنڈ سر ڈان بریڈ مین کا ریکارڈ توڑنے کے بھی انتہائی قریب پہنچ گئے ہیں۔

کم از کم 10 ٹیسٹ اننگز کھیلنے والے کھلاڑیوں میں سعود شکیل کی ٹیسٹ  اوسط صرف ڈان بریڈمین سے   معمولی سی کم ہے۔ڈان بریڈمین کی اوسط 99.94 ہے جبکہ سعود  شکیل کی 98.50 ہے۔

https://twitter.com/ICC/status/1681487989824733185

اگر سعود شکیل دوسری اننگز میں 12 یا اس سے زائد رنز بناکر ناٹ آؤٹ رہتے ہیں تو وہ ڈان بریڈ مین کا ریکارڈ توڑ دیں گے اور ان کی اوسط 100 ہوجائے گی۔