مڈل آرڈر بیٹر سعود شکیل اور آف اسپن آل راؤنڈر آغا سلمان نے نیا ریکارڈ قائم کردیا۔

تفصیلات کے مطابق سری لنکا کے خلاف گال میں جاری ٹیسٹ میچ میں سعود شکیل اور آغا سلمان نے سری لنکا کے خلاف پاکستان کی جانب سے چھٹی وکٹ پر سب سے بڑی پارٹنرشپ قائم کردی۔

دونوں کھلاڑیوں نے چھٹی وکٹ پر 177 رنز کی پارٹنر شپ قائم کرکے اکتوبر 2017 میں سرفراز احمد اور اسد شفیق کی جانب سے قائم کی جانے والی 173 رنز کی پارٹنرشپ کا ریکارڈ توڑا۔

آغا سلمان 83 رنز بناکر آؤٹ ہوئے جبکہ سعود شکیل 112 رنز بناکر کریز پر موجود ہیں۔

Advertisement

1️⃣7️⃣7️⃣ – @saudshak and @SalmanAliAgha1 stitch the highest sixth-wicket partnership for Pakistan vs Sri Lanka in Tests ⭐⭐

Salman departs for a well-crafted 8️⃣3️⃣ 👏#SLvPAK pic.twitter.com/gAQN6814JK

— Pakistan Cricket (@TheRealPCB) July 18, 2023

واضح رہے کہ سری لنکا کے پہلی اننگز کے 312 رنز کے جواب میں پاکستان کی بیٹنگ جاری ہے اور اس نے 6 وکٹوں کے نقصان پر 298 رنز  بنالیے ہیں۔