کولمبو میں اس وقت شدید بارش کے باعث پاکستان اور سری لنکا کے درمیان جاری میچ رکا ہوا ہے۔

تفصیلات کے مطابق پاکستان اور سری لنکا کے درمیان جاری دوسرے ٹیسٹ میچ کے دوسرے روز شدید بارش کے باعث چند اوورز کا کھیل ہی ممکن ہوسکا۔

آخری اطلاعات کے مطابق بارش رک چکی ہے تاہم شدید بارش کے باعث گراؤنڈ میں پانی بھر چکا ہے جس کی جلد از جلد نکاسی  کی کوششیں کی جارہی ہیں۔

میچ میں پاکستان کی گرفت کی مضبوط ہے اور اسے پہلی اننگز میں سری لنکا پر 12 رنز کی برتری حاصل ہے جبکہ اس کی آٹھ وکٹیں ابھی باقی ہیں۔

دو ٹیسٹ میچز کی سیریز کے آخری میچ میں سری لنکا نے بظاہر بیٹنگ کے لیے سازگار وکٹ پر پہلے بیٹنگ کرنے کا فیصلہ کیا  تھا   اور پہلے روز محض 166 رنز کے مختصر مجموعے پر آل ٹیم آؤٹ ہوگئی تھی۔

پاکستان نے 2 وکٹوں کے نقصان پر 178 رنز بنالیے ہیں، عبداللہ شفیق 87 اور کپتان بابر اعظم 28 رنز بناکر کریز پر موجود ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/cricket/2023/07/405435/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/cricket/2023/07/405435/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں