کپتان بابر اعظم کا کہنا ہے کہ  بھارت  کے خلاف میچ  کا کوئی دباؤ نہیں ہے۔

تفصیلات کے مطابق قومی کرکٹ ٹیم کے کپتان بابر اعظم نے بھارت  کے خلاف میچ سے قبل پریس کانفرنس میں کہا کہ  بھارت کے خلاف کوئی دباؤ نہیں ہوگا، میچ پراعتماد انداز میں کھیلیں گے۔

بابر اعظم نے کہا کہ ورلڈ کپ کے لیے فیلڈنگ پر زیادہ توجہ دینا  ہوگی۔ انڈر لائٹس بیٹنگ آسان ہوگی۔

ان کا مزید کہنا تھا کہ نسیم شاہ نے ایشیاکپ میں متاثرکن بولنگ کی  ورلڈکپ میں ان کی کمی محسوس کریں گے ۔شاہین آفریدی بڑے میچ کا بڑا  بولر ہے۔  بھارت کو جلد آؤٹ کرنے کی کوشش  کریں گے۔

بابراعظم نے کہا کہ ورلڈکپ میں اب تک اس طرح بیٹنگ نہیں کی جیسےکرنی چاہیے۔ اچھا کھیلنےکی کوشش کرتے ہیں،کل میچ کا رزلٹ کیا ہوتا ہےاس کا نہیں معلوم، ہم پر اعتماد ہیں ۔

واضح رہے کہ پاکستان اور بھارت کی ٹیمیں کل 14 اکتوبر کو احمد آباد کے نریندر مودی اسٹیڈیم میں مدمقابل آئیں گی۔

بھارتی میڈیا رپورٹس کے مطابق محکمہ موسمیات کا کہنا ہے کہ احمد آباد میں کل میچ کے دوران  بارش کے 35 فیصد امکانات  موجود ہیں تاہم اس سے میچ میں خلل نہیں پڑے گا۔

محکمہ موسمیات کا کہنا ہے کہ احمد آباد شہر میں زیادہ سے زیادہ درجہ حرارت 35  سے 36 ڈگری سینٹی گریڈ رہنے کا امکان ہے ۔

دونوں ٹیموں کے درمیان گزشتہ ماہ ایشیا کپ کے دو میچز میں سے ایک بارش کے باعث مکمل نہیں  ہوسکا تھا جبکہ دوسرا میچ بھی بارش کے سبب ریزرو ڈے پر مکمل کیا گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/cricket/2023/10/294088/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/cricket/2023/10/294088/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں