ورلڈکپ 2023 میں قومی ٹیم کی ناقص کارکردگی کے بعد پی سی بی میں مشاورت کا عمل شروع  ہوگیا۔

تفصیلات کے مطابق چیئرمین پی سی بی مینجمنٹ کمیٹی ذکاء اشرف آج سابق ٹیسٹ کرکٹرز سے ملاقات کریں گے۔

ذکاء اشرف آج سابق کپتان یونس خان اور سابق ٹیسٹ کرکٹر سہیل تنویر سے ملاقات کریں گے۔

ملاقات میں قومی ٹیم کی ورلڈکپ کی کارکردگی کا جائزہ لیا جائے گا۔

چیئرمین مینجمنٹ کمیٹی سابق کرکٹرز سے مستقبل کے حوالے سے مشورے لیں گے۔

کرکٹرز کے ساتھ مشاورت کا سلسلہ آئندہ آنے والے دنوں میں بھی جاری رہے گا۔

واضح رہے کہ پاکستان ٹیم  نے ورلڈکپ 2023 میں انتہائی ناقص کارکردگی کا مظاہرہ  کیا۔

پاکستان ٹیم نے ورلڈکپ 2023 میں نیدرلینڈز، سری لنکا، بنگلادیش اور نیوزی لینڈکے خلاف فتح حاصل کی جبکہ بھارت، جنوبی افریقا، آسٹریلیا، افغانستان اور انگلینڈ کے خلاف شکست کا سامنا کرنا پڑا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/cricket/2023/11/525852/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/cricket/2023/11/525852/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں