پی سی بی مینجمنٹ کمیٹی کے اختیارات محدود  ہونے کی وجوہات سامنے آگئیں۔

تفصیلات کے مطابق  وفاقی حکومت نے وزارت بین الصوبائی رابطہ کی سفارش پر پاکستان کرکٹ بورڈ (پی سی بی) کی مینجمنٹ کمیٹی کے اختیارات محدود کیے۔

وزارت بین الصوبائی رابطہ (آئی پی سی) نے پی سی بی مینجمنٹ کمیٹی پر چارج شیٹ عائد کردی۔

وزارت آئی پی سی کی رپورٹ میں کہا گیا کہ پی سی بی مینجمنٹ کمیٹی اپنا مینڈیٹ پورا کرنے اور بورڈ آف گورنرز لگانے میں ناکام رہی۔

وزارت بین الصوبائی رابطہ نے مینجمنٹ کمیٹی کو تمام سپورٹ فراہم کی تاہم  پی سی بی مینجمنٹ کمیٹی چیئرمین پاکستان کرکٹ بورڈ کے انتخابات کرانے میں  بھی ناکام رہی اور الیکشن کےلیے روڈ میپ  بھی نہیں دے سکی۔

رپورٹ میں کہا گیا کہ پی سی بی مینجمنٹ کمیٹی نے بار ہا یاد دہانیوں کے باوجود پروگریس رپورٹ نہیں دی۔ چیئرمین مینجمنٹ کمیٹی اور ممبران اپنی سی ویز اور شناختی کارڈز کی کاپیز بھی نہیں دےسکے۔

پی سی بی مینجمنٹ کمیٹی لاہور ہائیکورٹ پنڈی بنچ کے فیصلے پر عمل نہیں کرسکی۔وزارت آئی پی سی نے بھارت میں جاری ورلڈ کپ کی وجہ سے مینجمنٹ کمیٹی کی 3 ماہ توسیع کی سفارش کی۔

وزارت آئی پی سی نے  کہا کہ ورلڈ کپ کے دوران مینجمنٹ کمیٹی کی تحلیل سے کرکٹ ٹیم پر اثر پڑ سکتا ہے۔

بورڈ آف گورنرز کی تشکیل اور چیئرمین پی سی بی کے انتخابات کرانا مینجمنٹ کمیٹی کی بنیادی ذمہ داری ہے۔ وزارت بین الصوبائی رابطہ نے مینجمنٹ کمیٹی کو بورڈ آف گورنرز کی جلدی تشکیل و چیئرمین کے الیکشن کرانے کی سفارش کی۔

وزارت آئی پی سی  نے اپنی رپورٹ میں سفارش پیش کی کہ  مینجمنٹ کمیٹی صرف روزمرہ کےامور نمٹائے، کوئی پالیسی فیصلے یا ہائی لیول کی تقرری نہ کرے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/cricket/2023/11/747447/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/cricket/2023/11/747447/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں