پرتھ ٹیسٹ کے لیے تیار کی جانے والی پچ کی پہلی جھلک نے پاکستانی مداحوں کو تشویش میں مبتلا کردیا۔

تفصیلات کے مطابق  پاکستان اور آسٹریلیا کے درمیان پرتھ میں  کھیلے جانے والے پہلے ٹیسٹ میچ کی پچ کی تصویر سوشل میڈیا پر آتے ہی مداحوں میں تشویش کی لہر دوڑ گئی۔

تصویر میں دیکھا جاسکتا ہے کہ پچ پر گھاس موجود ہے جو بظاہر فاسٹ بولرز کے انتہائی سازگار  لیکن بلے بازوں کے لیے کوئی ڈراؤنا خواب لگ رہی ہے۔

مداحوں نے تصویر کے رپلائی میں کہا کہ ایسی پچ دیکھ کر دل دھک دھک کررہا ہے۔ ایک مداح نے لکھا کہ ’آسٹریلیا ، یہ کیسا مذاق ہے‘۔

Advertisement

FIRST LOOK AT THE PERTH PITCH 👀

The curator promised changes for the Australia-Pakistan series opener, and it looks like he's delivered >> https://www.bolnews.com/urdu/sports/cricket/2023/12/639261/amp/ pic.twitter.com/YJSS9IUpnY

— Fox Cricket (@FoxCricket) December 12, 2023

اسی طرح دیگر مداح بھی مذاق مذاق میں اپنی تشویش کا اظہار کررہے ہیں۔

دوسری جانب  پچ کیوریٹر آئزک میکڈونلڈ کا کہنا ہے کہ ایشین ٹیموں کے لیے پرتھ کی پچ پر ہمیشہ سے باؤنس رہتا ہے، اس پچ میں بولرز اور بیٹرز دونوں  کے لیے بہت کچھ ہوگا۔

انہوں نے کہا کہ پچ کی تیاری کچھ مختلف انداز میں کی گئی ہے تاہم لمبے فارمیٹ  کے لیے یہ اچھی پچ ہے۔

آسٹریلوی ٹیم کے نائب کپتان اسٹیو اسمتھ کا اس حوالے سے کہنا ہے کہ پچ میں باؤنس بھی ہوگا اور پیس بھی، پچ پر گھاس کی وجہ سے ابتداء میں سیم موومنٹ بھی ہوگی۔

یاد رہے کہ پاکستان اور آسٹریلیا کے درمیان تین ٹیسٹ میچز کی سیریز کا پہلا ٹیسٹ میچ 14 دسمبر سے شروع ہوگا۔