دورہ  آسٹریلیا پر انجری مسائل کا شکار پاکستانی ٹیم  کی مشکلات  کو مد نظر رکھتے  ہوئے محمد نواز  کو اسکواڈ میں شامل کرلیا گیا۔

تفصیلات کے مطابق قومی کرکٹ ٹیم کے تجربہ کار اسپنر    نعمان علی  کی جگہ محمد نواز کو آسٹریلیا  کے خلاف ٹیسٹ سیریز  کے لیے اسکواڈ میں شامل کرلیا گیا ہے۔

🚨 Left-arm spinning allrounder Mohammad Nawaz has been named as the replacement for Noman Ali, who was earlier ruled out due to appendicitis #AUSvPAK pic.twitter.com/Tv3jvdH1z8

— ESPNcricinfo (@ESPNcricinfo) December 23, 2023

اس سے قبل  پی سی بی کی جانب سے جاری کردہ اعلامیے میں کہا گیا تھا کہ نعمان علی اپینڈکس کی تکلیف کا شکار  ہوئے تھے۔

اعلامیے میں بتایا گیا  تھا کہ  سرجری کے بعد نعمان علی  اب بہتر محسوس کر رہے ہیں ۔  انہیں آج دوپہر  میں اسپتال سے ڈسچارج کر دیا  جائے گا۔

واضح رہے کہ پرتھ میں ڈیبیو کرنے والے خرم شہزاد بھی انجری کا شکار ہوکر سیریز سے باہر ہوچکے ہیں۔