پاکستان اور آسٹریلیا کے درمیان میلبرن میں شروع ہونے والا باکسنگ ڈے ٹیسٹ  میچ کا پہلا روز بارش کے باعث متاثر رہا۔

تفصیلات کے مطابق بارش کے باعث میچ  کے پہلے روز کئی اوورز  کا  کھیل ضایع ہوگیا جس کا خمیازہ پورا کرنے کے لیے کل سے بقیہ چاروں روز کھیل کا آغاز آدھے گھنٹے قبل ہوگا۔

میلبرن میں پاکستان نے ٹاس جیت کر آسٹریلیا کو پہلے بیٹنگ کرنے کی دعوت دی۔

آسٹریلوی اوپنرز کی جانب سے پہلی وکٹ کی شراکت میں 90 رنز بنائے گئے۔ ڈیوڈ وارنر 38  رنز بناکر آؤٹ ہوئے۔

دوسری وکٹ 108 کے مجموعی اسکور پر گری جب  عثمان خواجہ 42 رنز بناکر آؤٹ ہوئے۔

پہلے روز آسٹریلیا نے پاکستان کے خلاف دو وکٹوں کے نقصان پر 114 رنز بنا لیے  تھے  جب بارش کے باعث میچ روک دیا گیا ۔

بارش سے کھیل متاثر ہونے سے قبل مارنس لبوشین 14 اور اسٹیو اسمتھ 2 رنز بنا کر وکٹ پر موجود تھے۔

پاکستان کی جانب سے حسن علی اور آغا سلمان نے ایک ایک وکٹ حاصل کی تھی۔