قومی کرکٹ ٹیم کے کپتان شان مسعود  نے آسٹریلوی حکام سے ڈیوڈ وارنر کی بیگی گرین کیپ  کے لیے ملک گیر تلاش کا مطالبہ کردیا۔

تفصیلات کے مطابق صحافیوں سے بات کرتے ہوئے پاکستان کے کپتان شان مسعود نے لاپتہ کیپ  کی  ملک بھر میں تلاش  کا مطالبہ  کرتے ہوئے  کہا کہ   آسٹریلوی حکومت کی طرف سے ملک گیر تلاش ہونی چاہئے۔

انہوں نے کہا کہ  ہمیں وارنر کی کیپ کو واپس حاصل کرنے کے لیے بہترین جاسوسوں کی ضرورت ہو سکتی ہے۔

شان مسعود نے کہا کہ وہ ایک عظیم سفیر رہے ہیں اور وہ اپنے ناقابل یقین کیریئر کے لیے بہت زیادہ احترام اور ہر جشن کے مستحق ہیں۔

انہوں نے مزید کہا مجھے امید ہے کہ انہیں وہ کیپ مل جائے گا۔ یہ کسی بھی کرکٹر کے لیے سب سے قیمتی چیز ہے اور مجھے امید ہے کہ ڈیوڈ وارنر کو وہ واپس مل جائے گا۔

واضح رہے کہ   جارح مزاج آسٹریلوی اوپننگ بلے باز ڈیوڈ وارنر اپنی انتہائی قیمتی بیگی گرین کیپ سے محروم ہوگئے ہیں۔

ڈیوڈ وارنر نے سوشل میڈیا پر اپنے آخری ٹیسٹ سے قبل میلبرن سے سڈنی کے سفر میں لاپتہ ہونے والے اپنے بیگی گرین کیپ پر مشتمل بیگ واپس کرنے کی درخواست کی ہے۔

وارنر اس ہفتے اپنے آبائی شہر سڈنی  کرکٹ گراؤنڈ میں  اپنا آخری ٹیسٹ کھیلیں گے ۔اس سے قبل وہ اپنی کیپ واپس حاصل کرنے کے لیے بے چین ہیں۔

ڈیوڈ وارنر نے انسٹاگرام پر جاری کردہ ویڈیو کے کیپشن میں لکھا کہ ’یہ میرا آخری سہارا ہے، میرا بیگ، جس میں میرا بیگی گرین  کیپ تھا، میرے سامان سے نکال لیا گیا ہے جو کنتاس ایئرلائن کے ذریعے میلبرن سے سڈنی جارہا تھا۔

انہوں نے کہا کہ کنتاس ایئر لائن والوں کا کہنا ہے کہ سی سی ٹی وی کیمرے چیک کیے ہیں  تاہم کسی  کو ہمارا بیگ کھولتے یا بیگ لیتے  ہوئے نہیں دیکھا تاہم کچھ بلائنڈ اسپاٹس (سی سی ٹی وی کیمرے کی پہنچ سے دور)بھی ہیں۔

وارنر نے درخواست کی اگر آپ ایئر پورٹ کنتاس کے لیے کام کر رہے ہیں اور اتفاق سے  یا کسی اور وجہ سے بیک پیک آپ نے لے لیا ہے تو وہ جلد از جلد واپس کردیں  تو  میں آپ کو اس کے بدلے ایک بیک پیک دے دوں گا۔

🏏🇦🇺 David Warner has issued an impassioned plea for the return of his baggy green.

His backpack, which contained his baggy green, was taken from his luggage on the eve of the Sydney Test.

🎥: David Warner (via Instagram) pic.twitter.com/C4QRdMxf0I

— ABC SPORT (@abcsport) January 2, 2024