قومی کرکٹ ٹیم کے ڈائریکٹر محمد حفیظ  آسٹریلیا میں ٹیسٹ سیریز میں وائٹ واش شکست کے باجود ٹیم کی کارکردگی سے مطمئن ہیں۔

سڈنی میں میچ کے بعد پریس کانفرنس کرتے ہوئے محمد حفیظ نے کہا کہ آسٹریلیا میں پاکستان ٹیم  نے اچھی کرکٹ کھیلی ہے لیکن کچھ  لمحات  میں ٹیم  سے غلطیاں ہوئیں اور فائدہ نہ اٹھاسکے۔

محمد حفیظ نے کہا کہ میلبرن ٹیسٹ میں  بھی کیچز ڈراپ ہونے کی وجہ سے شکست ہوئی تھی۔دورے پر کئی غلطیاں کیں جنہیں درست کرنے کی ضرورت ہے۔

انہوں نے بابراعظم سے متعلق کہا کہ بابر کو آرام دیا جاسکتا ہے تاہم ان کو آرام دینے سے پہلےسوچنا ہوگا کہ وہ خود کیاچاہتے ہیں۔انہیں جہاں مدد درکار ہوگی ہم موجود ہیں۔

ٹیم ڈائریکٹر نے مزید کہا کہ کھلاڑی کسی تکنیک کو بہتر بنانے کے لیے بھی بات کرسکتا ہے ۔بابر اعظم محنتی ہیں، پریکٹس سیشن کے دوران بھرپور محنت کرتے ہیں لیکن ان کو ایک بڑی اننگز کی ضرورت ہےجو ان  کا اعتماد بحال کردےگی۔

محمد حفیظ نے کہا کہ شاہین آفریدی نے مجھ سے بات کی اور آرام مانگا، ان کو ورک لوڈ کی وجہ سے آرام دیا ہے، ہم نہیں چاہتے تھے شاہین ورک لوڈ کی وجہ سےکسی انجری کا شکار ہوں، انجری کے بعد واپسی پر شاہین پر بہت لوڈ پڑا۔ یہ تاثرغلط ہےکہ ٹی ٹوئنٹی سیریز کی وجہ سے شاہین کوآرام دیا گیا ۔

  انہوں نے کہا کہ آئی سی سی کو ٹیسٹ کرکٹ کے لیے ایک تجویز دوں گا کہ تمام کرکٹ بورڈزکے لیے اسٹینڈرڈ ٹیسٹ فیس لےکر آئی جائے تاکہ تمام ٹیسٹ کھیلنے والے کھلاڑیوں کو برابر فیس ملے، چاہے وہ کھلاڑی کسی بھی ملک کا ہو۔

Pakistan team director Mohammad Hafeez's post-match press conference.

Full video ➡️ https://www.bolnews.com/urdu/sports/cricket/2024/01/721788/amp/#AUSvPAK pic.twitter.com/LaJbce5PUu

— Pakistan Cricket (@TheRealPCB) January 6, 2024