پنڈی ٹیسٹ کے دوسرے روز پاکستان نے448 رنز 6 کھلاڑی آؤٹ پر اننگز ڈکلیئر کردی۔

راولپنڈی میں کھیلے جارہے پہلے ٹیسٹ میچ میں پاکستان نے اپنی پہلی اننگز 448 رنز 6 کھلاڑی پر آؤٹ پر ڈکلیئر کردی۔محمد رضوان 171 اور شاہین شاہ آفریدی 29 رنز بناکر ناٹ آؤٹ رہے۔

سعود شکیل نے 141 اور صائم ایوب نے 56 رنز کی اننگز کھیلی۔آغا سلمان 19، کپتان شان مسعود 6، عبداللہ شفیق 2 اور بابر اعظم بغیر کوئی رن بنائے آؤٹ ہوئے۔

بنگلادیش کی جانب سے شوریف الاسلام اور حسن محمود نے 2،2 جبکہ مہدی حسن میراز اور شکیب الحسن نے ایک ایک وکٹ حاصل کی۔

یاد رہے کہ گزشتہ روز بارش کے باعث میچ ایک سیشن سے زائد کی تاخیر سے شروع ہوا تھا۔بنگلادیش نے ٹاس جیت کر پاکستان کو پہلے بیٹنگ کرنے کی دعوت دی تھی۔