قومی کرکٹ ٹیم کے اوپننگ بلے باز صائم ایوب کا کہنا ہے کہ  تیز کھیلنا ماڈرن ڈے کرکٹ کی مانگ ہے۔

اسلام آباد میں پاکستان شاہین کے ٹریننگ سیشن کے دوران میڈیا سے گفتگو کرتے ہوئے صائم ایوب  کا کہنا تھا کہ   تیز کھیلنا ماڈرن ڈے کرکٹ کی مانگ ہے، دیگر ٹیمیں تیز کھیلتی ہیں، میرا نیچرل گیم نہ بھی ہوتاتو  بھی تیز کھیلتا۔

صائم ایوب کا کہنا ہے کہ اسلام آباد میں گرمی ہے لیکن پریکٹس سے محظوظ ہورہے ہیں۔

انہوں نے کہا کہ  کسی ایک کو کبھی روڈ ماڈل نہیں بنایا، پاکستان کے ماضی میں  کئی لیجنڈز گزرےہیں، کسی ایک کو آئیڈیل بنانا زیادتی ہوگی، میں  ہر لیجنڈری کھلاڑی سے کچھ نہ کچھ سیکھتاہوں۔

صائم ایوب کا کہنا تھا کہ  پاکستان شاہینز کی جانب سے کھیل کر ٹیسٹ کرکٹ میں بہتر کھیلنے کا موقع ملےگا۔ میں اپنی پریکٹس مکمل کرتا ہوں،  مینجمنٹ جو رول دے پورا کروں گا۔

انہوں نے مزید کہا کہ  ارشدندیم کی وجہ سے فخر محسوس کررہے، میں انہیں مبارکباد دیتاہوں۔