آئی سی سی وفد  نے کراچی اور پنڈی اسٹیڈیم کے بعد آج قذافی اسٹیڈیم کا دورہ کیا۔

تفصیلات کے مطابق آئی سی سی وفد نے چیمپئنز ٹرافی 2025 کے حوالے سے انتظامات کا جائزہ لیا اور  اسٹیڈیم میں جاری ترقیاتی کام کا معائنہ کیا۔

پی سی بی حکام نے آئی سی سی کے وفد کو اسٹیڈیم کے تعمیراتی کام  اور سیکیورٹی کے حوالے سے بریفنگ دی گئی۔ آئی سی سی وفد کو ٹریننگ وینیوز کا  بھی دورہ کروایا گیا۔

آئی سی سی وفد نے گزشتہ روز مقامی ہوٹل مینجمنٹ سے بھی ملاقات کی تھی۔

آئی سی سی  وفد کے سیف سٹی اتھارٹی کا وزٹ کرنے کا امکان ہے۔

آئی سی سی وفد میں جنرل مینجر کرکٹ وسیم خان، سینئر مینجر ایونٹس سارہ ایڈگر، ایونٹ مینجر و چیمپئنز ٹرافی ایونٹ لیڈ عون زیدی، سیکیورٹی مینجر ڈیوڈ مسکر اور براڈ کاسٹ کنسلٹنٹ منصور منج  شامل ہیں۔

اسلام آباد میں چیئرمین پی سی بی محسن نقوی اور وفد کے درمیان ملاقات بھی ہوئی تھی۔

ملاقات میں وفد نے کراچی،اور پنڈی اسٹیڈیم میں کیے جانے والے انتظامات پر اطمینان کا اظہار کیا تھا۔

آئی سی سی وفد لاہور میں تمام جائزہ لینے کے بعد دبئی روانہ ہو جائے گا۔