کرکٹ آسٹریلیا نے پاکستان کے خلاف تین ایک روزہ میچز کی سیریز کے لیے اسکواڈ کا اعلان کر دیا۔

تفصیلات کے مطابق پاکستانی ٹیم  اگلے ماہ نومبر  میں آسٹریلیا کا دورہ کرےگی جہاں وہ 3 ون ڈے  اور 3 ٹی ٹوئنٹی میچز کھیلے گی۔

آسٹریلیا نے ابتدائی طور پر ون ڈے میچز کیلئے اسکواڈ کا اعلان کردیا ہے،آسٹریلوی ٹیم کی قیادت پیٹ کمنز  کریں گے۔

ون ڈے سیریز کیلئے آسٹریلوی اسکواڈ میں شان ایبٹ ،کوپر کنولی،جیک فریزر مکگرک، ایرون ہارڈی، جوش ہیزل ووڈ ،جوش انگلس، مارنس لبوشین ،گلین میکسویل،اسٹیو اسمتھ،  مچل اسٹارک،میتھیو شارٹ، مارکوس اسٹوئنس اور ایڈم زیمپا  کو شامل کیا گیا ہے۔

آسٹریلوی کرکٹر مچل مارش اور ٹریوس ہیڈ پیرنٹل چھٹیوں پر ہیں لہٰذا انہیں اسکواڈ کا حصہ نہیں بنایا گیا ہے۔