انگلینڈ کے خلاف دوسرے ٹیسٹ میچ میں پاکستانی ٹیم 3 اسپنرز کے ساتھ میدان میں اترے گی۔

تفصیلات کے مطابق انگلینڈ کے خلاف ملتان میں شیڈول دوسرے ٹیسٹ میچ کے لیے ا پاکستان کی پلیئنگ الیون کا اعلان کر دیا گیا۔

پاکستانی ٹیم 3 اسپنرز کے ساتھ میدان میں اترے گی۔

شاہین  آفریدی، بابر اعظم، نسیم شاہ اور بیمار ابرار احمد کی جگہ کامران غلام، نعمان علی، ساجد خان اور زاہد محمود کو پلیئنگ الیون میں شامل کیا گیا ہے۔

اس کے علاوہ کپتان شان مسعود،عامر جمال، صائم ایوب، عبداللہ شفیق، سعود شکیل، محمد رضوان اور سلمان علی آغا پلیئنگ الیون کا حصہ ہیں۔

واضح رہے کہ انگلینڈ کی پلیئنگ الیون میں بھی دو تبدیلیاں کی گئی ہیں۔کرس ووکس اور گس ایٹکنسن کی جگہ کپتان  بین اسٹوکس اور میتھیو پوٹس  کو ٹیم میں شامل کیا گیا ہے۔

انگلینڈ کے اسکواڈ میں زیک کرالی، بین ڈکٹ، اولی پوپ، جو روٹ، ہیری بروک، بین اسٹوکس، جیمی اسمتھ، برائیڈن کارس، جیک لیچ اور شعیب بشیر شامل ہیں۔