پاکستان ویمنز کرکٹرز کے سینٹرل کنٹریکٹ کا اعلان کردیا گیا۔

پاکستان کرکٹ بورڈ ( پی سی بی) کی جانب سے جاری کردہ تفصیلات کے مطابق 2024-25 کے بین الاقوامی سیزن کے لیے 16  خواتین کرکٹرز کے سینٹرل کنٹریکٹ کا اعلان کیا گیا ہے۔

کپتان فاطمہ ثناء اور وکٹ کیپر بیٹر منیبہ علی کو اے کیٹگری میں ترقی دی گئی ہے جبکہ بائیں ہاتھ کی اسپنر سعدیہ اقبال  حالیہ عمدہ کارکردگی کی بناء پر بی  کیٹگری میں آگئی ہیں۔

تسمیہ رباب  نے پہلی بار سینٹرل کنٹریکٹ حاصل کیا ہے۔

جو کھلاڑی سینٹرل کنٹریکٹ میں شامل نہیں  ہیں وہ بھی سلیکشن کے لیے دستیاب ہوں گی۔

پی سی بی کے چیف آپریٹنگ آفیسر سمیر احمد سید کا کہنا ہے کہ سینٹرل کنٹریکٹ  ہماری مستقبل کی حکمت عملی کی عکاسی کرتے ہیں، ہم نئے آئی سی سی ویمنز فیوچر ٹورز پروگرام کی تیاری کر رہے ہیں۔

ان کا کہنا ہے کہ پی سی بی خواتین کرکٹرز کو وسائل، مواقع اور  بہترین کارکردگی دکھانے کے لیے ضروری مدد فراہم کرنے کے لیے پرعزم ہے۔

سینٹرل کنٹریکٹ حاصل کرنے والی کھلاڑیوں کی فہرست:

کیٹگری  اے: فاطمہ ثناء، منیبہ علی ،سدرہ امین

کیٹگری بی:  ناشرہ سندھو، سعدیہ اقبال

کیٹگری سی: ڈیانا بیگ، عمیمہ سہیل

کیٹگری ڈی: غلام فاطمہ، گل فیروزہ، نجیہہ  علوی، رامین شمیم، صدف شمس، سیدہ عروب، تسمیہ رباب، طوبیٰ حسن ،ام ہانی