آئی سی سی ورلڈٹیسٹ چیمپئن شپ  2023-25 کے پوائنٹس ٹیبل پر جنوبی افریقہ نے پہلی پوزیشن چھین لی۔

تفصیلات کے مطابق    سینٹ جارج پارک میں کھیلے گئے ٹیسٹ میچ میں جنوبی افریقہ نے سری لنکا کو شکست دے ٹیسٹ سیریز میں وائٹ واش کرکے ورلڈٹیسٹ چیمپئن شپ  کے پوائنٹس ٹیبل پر پہلی پوزیشن حاصل کرلی۔

گزشتہ روز آسٹریلیا نے ایڈیلیڈ ٹیسٹ میں   بھارت کو 10 وکٹوں سے شکست  دے کر  پہلی سے تیسری  پوزیشن پر  دھکیل دیا تھا تاہم آسٹریلیا کی یہ حکمرانی ایک ہی دن تک برقرار رہ سکی۔

اب جنوبی افریقہ کی فتح کے بعد آسٹریلیا دوسری پوزیشن پر آگیا ہے۔

سری لنکا، انگلینڈ اور نیوزی لینڈ بالترتیب چوتھی پانچویں اور چھٹی پوزیشن پر ہیں۔ پاکستانی ساتویں ، بنگلہ دیش آٹھویں اور ویسٹ انڈیز نویں پوزیشن پر ہے۔

جنوبی افریقی ٹیم کی پوزیشن اس وقت سب سے مضبوط تصور کی جارہی ہے چونکہ اس نے اپنے دونوں آخری میچ پاکستان کے خلاف اپنی ہوم کنڈیشنز میں کھیلنے ہیں جہاں اسے شکست دینا کسی بھی ایشیائی ٹیم کے لیے انتہائی مشکل ہوتا ہے۔