جامعہ این ای ڈی  کے استازہ اور طلبہ  کی   مشترکہ کاوش کے تحت پاکستان کا پہلا آن لائن ڈگری تصدیق کا نظام متعارف کروادیا گیا ہے۔

اس جدید نظام کا نام  بلاک چین ٹیکنالوجی ہے۔جس کے ذریعے منٹوں میں ڈگریوں کی تصدیق ممکن ہوسکے گی۔

این ای ڈی کے شیخ الجامعہ پروفیسر ڈاکٹر سروش حشمت نے اس حوالے سے کہا کہ  دنیا کے کسی بھی حصّے سے تصدیق کا یہ آن لائن مرحلہ طے ہوسکے گا، جس کے توسط سے دستاویزات کی تصدیق کے سلسلے میں رقم کاخرچہ بھی نہیں ہوگا۔

انہوں نے اپنے بیا ن میں یہ بھی کہا کہ چیرمین ایچ ای سی نے بھی اس ٹیکنالوجی کی تعریف کی ہے اور وہ بھی بہت جلد ہماری ٹیکنالوجی سے استفادہ حاصل کرسکیں گے۔