امریکی خلائی تحقیق کے ادارے ناسا کے ماہرین فلکیات بلیک ہول کی وڈیو بنانے میں کامیاب ہو گئے ہیں۔

تفصیلات کے مطابق ناسا کے ماہرین فلکیات بین الاقوامی خلائی سٹیشن پر نصب جدید ترین کیمرے سے دس ہزار نوری سال کے فاصلے پر واقع  سورج سے سات گنا بڑے حجم کے بلیک ہول کی وڈیو بنانے میں کامیاب ہوئے۔

ماہرین ناسا کے مطابق ملکی وے میں موجود اس بلیک ہول کے ارد گرد خلا انتہائی روشن ہے جبکہ یہ روشنی سورج جیسے 100 ستاروں کی روشنی کے برابر ہے۔

ماہرین کا کہنا ہے کہ جس سے زیادہ روشنی کی وجہ بلیک ہول میں تبدیل ہونے والے ستارے کے مادے پر انتہائی رگڑ، مقناطیسی اور کشش ثقل کی قوتوں کے اثرات ہیں۔

ناسا کی جانب سے جاری کردہ  وڈیو میں ایم اے ایکس آئی۔ جے 1820+070 نامی  بلیک ہول اپنے قریب موجود ستارے کو انتہائی تیزی کے ساتھ اپنے اندر جذب کرتا دکھائی دیا ہے۔