کمپنی’ہواوے‘ نے گوگل کو ایک اور شکست دے دی ہے۔

اسمارٹ فون بنانےوالی چینی کمپنی’ہواوے‘کو ر واں برس امریکی حکومت کی جانب سے پابندیوں کا سامنا کرنا پڑا تھا لیکن تمام پابندیوں کے باوجود کمپنی اپنی اہمیت برقرار رکھنے میں کامیاب رہی۔

تفصیلات کے مطابق کمپنی’ہواوے‘ اپنے نئے اسمارٹ فونز میں گوگل ایپس اور سروسز سے محرومی کے باعث ان کے متبادل سروسز متعارف کرانے کے لیے تیار ہے۔

یاد رہے ہواوے اس وقت دنیا کی سب سےبڑی ٹیلی کمیونیکشن نیٹ ورکنگ آلات سپلائی کرنےوالی جبکہ دنیا کی دوسری بڑی اسمارٹ فون کمپنی ہے۔

رواں سال ہواوے کمپنی کو بہت مشکلات کا سامنا کرنا پڑاتھا لیکن اب بہت جلد اکنامک ٹائمز کی رپورٹ کے مطابق ہواوے نے گوگل کی مقبول ترین ایپس کے متبادل کے لیے بھارتی ڈویلپرز کی خدمات حاصل کر لی ہیں۔

یاد رہے کہ امریکا کی جانب سے بلیک لسٹ کیے جانے پر ہواوے اور آنر کے نئے فونز میں گوگل موبائل سروسز جی ایم ایس جیسے میپس، گوگل ڈرائیو، جی میل، کروم اور دیگر کو پری انسٹال کرنا ممکن نہیں رہا تھا۔

ہواوے کمپنی پاکستان میں رواں سال دس کروڑ ڈالر کی سرمایہ کاری کرے گی

چارلس پینگ جو ہواوے اورآنر کمپنی کے چیف ایگزیکٹو ہے انہوں نے بتایا کہ ہماری اپنی سروسز ہے اور ہم بہت جلد موبائل ایکوسسٹم بنانے کی کوشش کررہے ہیں۔

چارلس پینگ نے اکنامک ٹائمز کو بتایا کہ ہواوے کے لیے اہم ایپس جیسے نیوی گیشن، پیمنٹس، گیمنگ اور میسجنگ دسمبر کے آخر تک تیار ہوجائیں گی۔

چارلس پینگ کے مطابق ہر ملک میں ہم صارفین میں مقبول سو سے 150 سے ایپس کو ایچ ایم ایس مین لانے پر توجہ مرکوز کررہے ہیں جبکہ بھارتی ڈویلپرز کی ایپس کو یورپ اور دیگر عالمی مارکیٹوں تک لے کر جائیں گے۔

چارلس پینگ نے کہا کہ اگر ہماری سروسز کامیاب ہو گئی تو گوگل کو بہت بری شکست کا سامنا کرنا پڑے گا۔

واضح رہے کہ چارلس پینگ نے اس بات کی بھی تصدیق کی کہ اگلے آنر اسمارٹ فون میں گوگل سروسز موجود ہوں گی۔