کون سی خبریں کہاں اور کس طرح پیش کی جائيں گی اس کے لیے وہ روایتی طور پر صحافیوں کو رکھا جاتا ہے لیکن معروف امریکی کمپنی مائیکرو سافٹ نے اپنی ایم ایس این ویب سائٹ کے لیے درجنوں صحافیوں  کی جگہ روبوٹ جرنلزم کا تجربہ شروع کردیا ہے۔

ایم ایس این کے اس اقدام سے جون کے آخر تک تقریباً 50 کنٹریکٹ نیوز پروڈیوسرز اپنی ملازمت سے محروم ہوجائیں گے لیکن فی الوقت صحافیوں کی ایک ٹیم باقی رہے گی۔ جبکہ مائیکروسافٹ نے یہ اقدام اخراجات کم کرنے کے لیے کیا ہے۔

مائیکرو سافٹ نے کہا ہے کہ یہ تجربہ ان کے کاروبار کا جائزہ لینے کا حصہ ہے۔

اب  سے صحافتی ذمہ داریاں مصنوعی ذہانت کے تحت انجام دی جائیں گی۔