معروف ٹیکنالوجی کمپنی ایپل نے آئی فون صارفین کو بُری خبر سناتے ہوئے اس بات کی تصدیق کی ہے کہ رواں سال اس کے فون کی سیریز کی لانچ میں تاخیر ہوگی۔

غیر ملکی خبر رساں ادارے کی ایک رپورٹ کے مطابق ایپل کمپنی کے چیف ایگزیکیٹو آفیسر لوسا مائستری نے اپنے ایک بیان میں کہا ہے کہ پچھلے سال کمپنی نے اپنے نئے آئی فونز ستمبر کے آخر میں لانچ کردیئے تھے جبکہ اس سال توقع کی جا رہی ہے کہ ان کی لانچ میں کچھ ہفتوں کی تاخیر ہوگی۔

کمپنی کی جانب سے تاحال تاخیر کی وجہ نہیں بتائی گئی کہ نئے آئی فون ماڈلز کی پیداوار میں تقریباً ایک ماہ کی تاخیر کیوں ہوئی ہے۔

رپورٹس کے مطابق کورونا وائرس کی  وجہ سے متعدد اسمارٹ فون کمپنیوں کی پیداوار متاثر ہوگئی ہے جس میں ایپل بھی شامل ہے۔