ٹیکنالوجی کی دنیا میں ہر روز جدت پیدا ہورہی ہے اور آج انسان ٹیکنالوجی کی دنیا میں اس قدر آگے نکل گیا ہے جہاں عام آدمی کی سوچ نہیں جاتی ہے۔

تھری ڈی فلمیں اور تھری ڈی اسکرینز کے حوالے سے تو آپ نے سنا ہوگا لیکن اب ایک اسمارٹ فون کو بھی تھری ڈی اسکیننگ کے طور پر دیکھا جاسکتا ہے۔

صرف فون پر ایک چھوٹا سا آلہ لگا کر کسی بھی شے کارنگین تھری ڈی ماڈل بنایا جاسکتا ہے۔

اس ایجاد کا نام اسکین مائرا ہے جس کی بدولت آسانی سے کسی بھی شے کی تھری ڈی اسکیننگ منٹوں میں کرکے اس کے ماڈل بنائے جاسکتےہیں۔

اسکین مائرا ایک سادہ آئینہ ہے جس کی بدولت تھری ڈی ماڈلنگ کی جاسکتی ہے۔

یہ آئی فون ماڈلز پر کام کرتا ہے کیونکہ یہ فیس آئی ڈی فیچر پر کام کرتا ہے اور بہترین تھری ڈی ماڈل کشید کرتا ہے۔

یہ ایپ اسٹور پر دستیاب ہے اور آئی فون اور آئی پیڈ پر آسانی سے چل سکتی ہے۔