ویوو کمپنی کی جانب سے فیچرز سے بھرپور ایکس 60 ٹی پلس موبائل فون متعارف کرادیا گیا ہے۔

اس حوالے سے کمپنی کا کہنا ہے کہ رات میں اس کی ویڈیوز اور تصاویر زبردست ہوتی ہیں اور نائٹ موڈ اور ایسٹرو موڈ دیا گیا ہے جو رات کو آسمان کی شفاف تصاویر لینے میں مدد دیتا ہے۔

کمپنی نے بتایا ہے اس فون کو چین میں فروخت کے لئے پیش کردیا گیا ہے جس کی قیمت ایک لاکھ 9 ہزار پاکستانی روپے سے زائد  رکھی گئی ہے۔

بات کی جائے اس فون کے ایم فیچرز کی تو، اس فون میں 6.56 انچ کا ڈسپلے 120 ہرٹز ریفریش ریٹ کے ساتھ دیا گیا ہے۔

اس کے علاوہ 50 میگا پکسل مین کیمرا، 48 میگا پکسل الٹرا وائیڈ کیمرا اور 8 میگا پکسل پیری اسکوپ سنسر اس فون کے بیک کیمرا سیٹ اپ کا حصہ ہیں جبکہ فون کے فرنٹ پر 2 میگا پکسل کیمرا موجود ہے۔