اگر جسم کی کوئی ہڈی ٹوٹ جائےتو بہت تکلیف بھی ہوتی ہے اور اسے جڑنے میں بہت وقت بھی درکار ہوتا ہے۔

لیکن اب ٹیکنالوجی نے اس حد تک ترقی کرلی ہے کہ ہر شعبے اور ہر تکلیف کا حل باآسانی نکال لیا جاتا ہے۔

حال ہی میں امریکی اور چینی سائنسدانوں نے مشترکہ طور پر تحقیق کرتے ہوئے ایک ایسی پٹی ایجاد کرلی ہے جو اپنے لئے خود ہی بجلی بناتے ہوئے نہ صرف کسی زخم کو جلد مندمل کرسکتی ہے بلکہ ٹوٹی ہڈیوں تک کو بہت کم وقت میں جوڑ سکتی ہے۔

چینی ماہرین نے یہ پٹی تیار کی ہے جسے ابتدائی طور پر چوہوں میں کامیابی سے آزمایا جاچکا ہے۔

 اس ایجاد کو ’’فریکچر الیکٹرو اسٹیمولیشن ڈیوائس‘‘ یا مختصراً ’’ایف ای ڈی‘‘ (FED) کا نام دیا گیا ہے۔

 بظاہر یہ زخم پر چپکائی جانے والی عام پٹیوں جیسی ہے لیکن قریب سے دیکھنے پر اس میں نصب ٹرائبو الیکٹرک نینو جنریٹر دیکھا جاسکتا ہے۔

[amazonad category=”Mobile”]