چینی کمپنی شیاؤمی نے دنیا بھر میں اسمارٹ فونز کی دوسری  بڑی کمپنی ہونے کا اعزاز اپنے نام کرلیا ہے۔

اس حوالے سے اسمارٹ فونز کمپنیوں پر تجزیہ کرنے والی کمپنی نے ایک رپورٹ جاری کی ہے جس میں بتایا گیا ہے کہ 2021 کے دوران سام سنگ اسمارٹ فونز فروحت کرنے والی پہلی کمپنی رہی ہے جبکہ چینی کمپنی شیاؤمی کا دوسرا نمبر رہا ہے۔

شیاؤمی کمپنی پہلی بار اس اعزاز کو حاصل کرنے میں کامیاب رہی جس کا مارکیٹ شیئر 17 فیصد رہا جبکہ گزشتہ سال کے اس عرصے کے مقابلے میں اس کے فونز کی فروخت میں 83 فیصد کا نمایاں اضافہ ہوا۔

رپورٹ کے مطابق پہلی بار شیاؤمی نے ایپل سے آگے نکلنے کا اعزاز حاصل کیا ہے اور چین سے باہر اس کا کاروبار بہت تیزی سے پھیل رہا ہے۔

رپورٹ میں مزید بتایا گیا کہ شیاؤمی کی جانب سے زیادہ تر مڈرینج فونز پر توجہ دی جاتی ہے۔