ایک مقامی چینی کمپنی شیاؤمی کی ذیلی کمپنی کی جانب سے ایک نیا گیمنگ فون متعارف کرایا گیا ہے۔

پوکو کمپنی کی جانب سے اس گیمنگ فون کو ایف 3 جی ٹی کا نام دیا گیا ہے۔

فون کے گیمنگ فیچرز:

پوکو ایف 3 جی بی میں فون کے دائیں جانب فزیکل پوپ اپ گیمنگ ٹریگرز کے فیچرز موجود ہیں۔

فون کے اندر میڈیا ٹیک کا ڈیمینسٹی 1200 پراسیسر چھپا ہوا ہے جس کے ساتھ 6 سے 8 جی بی ڈوئل چینیل یو ایف ایس 3.1 ریم اور 128 سے 256 جی بی اسٹوریج کے آپشن موجود ہیں۔

فون کو ٹھنڈا رکھنے کے لیے ایک بڑا ویپر چیمبر موجود ہے جبکہ گیم ٹربو بھی فون کا حصہ ہے جو گیمز کے دوران ڈیوائس کی کارکردگی کو ٹھیک رکھتا ہے۔

کیمرا فیچرز:

فون کا مین کیمرا 64 میگا پکسل کا ہے جس کے ساتھ 8 میگا پکسل الٹرا وائیڈ اور 2 میگا پکسل میکرو کیمرے موجود ہیں۔

فون کی بیٹری:

ڈیوائس کی 5065 ایم اے ایچ بیٹری 67 واٹ فاسٹ چارجنگ سپورٹ کے ساتھ ہے۔

اینڈرائیڈ 11 آپریٹنگ سسٹم کا امتزاج ایم آئی یو آئی 12.5 سے کیا گیا ہے۔

فون کی قیمت :

اس فون کا 6/128 جی بی ریم/اسٹوریج والا ماڈل 350 ڈالرز (58 ہزار پاکستانی روپے سے زائد) میں فروخت کیا جائے گا۔

8 جی بی ریم اور 128 جی بی اسٹوریج والا ورژن 390 ڈالرز (62 ہزار پاکستانی روپے سے زائد) جبکہ 8 جی بی ریم اور 256 جی بی اسٹوریج والا فون 416 ڈالرز (66 ہزار پاکستانی روپے سے زائد) میں دستیاب ہوگا۔