فریج تو ہر گھر میں ہی ہوگا کیونکہ یہ آج کے  دور میں ہر گھر کی ضرورت ہے لیکن کیا کبھی آپ نے یہ نوٹ کیا ہے کہ فریج کے نیچے والے حصے میں لائٹ ہوتی ہے لیکن اوپر والے میں نہیں۔

کیونکہ جب ہمیں کبھی فریج کے اوپری حصے سے کچھ نکالنا ہو تو ہم ٹارچ لائٹ، یا موبائل کی لائٹ کا استعمال کرتے ہیں ۔

اس کا جواب کسی کو خاص معلوم نہیں ہے لیکن ایک ماہر معیشت کے مطابق یہ لاگت بچانے کے ایک ایسے اصول کی کلاسیک مثال ہے جس میں بنیادی طور پر فائدہ بچت سے زیادہ نہیں ہوتا    ہے۔

علاوہ ازیں فریزر میں لائٹ لگانا فائدہ مند نہیں کیونکہ اس پر برف جمنے کا امکان زیادہ ہوتا ہے۔

صارفین فریزر میں لائٹ کو زیادہ اہم نہیں سمجھتے کیونکہ اکثر فریزر کے دروازے کو ریفریجریٹر کے مقابلے میں بہت کم کھولتے ہیں اور جب بھی فریزر کا دروازہ کھولا جاتا ہے تو زیادہ تر اس کے سامنے چند منٹ سے زیادہ نہیں کھڑے ہوتے ہیں۔

خیال رہے کہ صارفین ریفریجریٹر میں لائٹ کو اکثر استعمال کرتے ہیں تو وہ اس فیچر کو قابل قدر تصور کرتے ہیں اور اسی وجہ سے کمپنیاں ریفریجریٹر میں لائٹس کی تنصیب کو فریزر کے مقابلے میں زیادہ بہتر سمجھتے ہیں۔