ٹیلی گرام  ایک کراس پلیٹ فارم میسنجر ہے ،  ٹیلی گرام صارفین اس میسنجر کے ذریعہ انکرپٹڈ ڈیٹا، تصاویر، ویڈیوز، سیلف ڈسٹرکٹنگ پیغامات اور ہر طرح کی دستاویزوں کا تبادلہ کرسکتے ہیں۔

ٹیلی گرام اپنے  صارفین کی آسانیوں کی خاطر نئی تبدیلیاں کرتا رہتا ہے جبکہ نئے فیچرز بھی متعارف کرائے جاتے ہیں۔

ٹیلی گرام ایپ کا ورژن 8.0 اب آئی او ایس اور اینڈرائیڈ ڈیوائسز کے لئے دستیاب ہے جس میں لائیو اسٹریمز کے ویورز کی تعداد کی حد کو ختم کردیا گیا ہے، اس سے قبل یہ تعداد ایک ہزار تک محدود تھی۔

ویورز کی تعداد میں اضافے کا مقصد ٹیلی گرام کو فل آن موبائل لائیو اسٹریمنگ پلیٹ فارم بنانے کا دروازہ کھولنا ہے۔

سروس کی جانب سے کلب ہاؤس جیسے وائس چینلز سپورٹ بھی فراہم کی جارہی ہے اور یہ سب جون 2021 میں گروپ کالنگ فیچر کو متعارف ہونے کے بعد ہوا۔

نئے ورژن میں مزید فیچرز کا اضافہ بھی کیا گیا ہے۔ ان فیچرز میں فارورڈنگ میسجز کے لیے مزید آپشنز اور چینلز کے درمیان سوئچ کرنے کا ایک شارٹ کٹ قابل ذکر ہے۔

فارورڈ میسجز کے لیے کیپشن ریموو کرنے اور میڈیا فائلز فارورڈ کرنے کے دوران سینڈر نیم چھپانے کے آپشن کا اضافہ بھی کیا گیا ہے۔ کسی ٹیکسٹ چینل پر اسکرولنگ کے دوران سوائپ اپ کرنے پر دوسرے ان ریڈ چینل پر جانا ممکن ہوجائے گا۔

کمپنی کی جانب سے کمنٹ تھریڈ میں ان ریڈ میسجز کاؤنٹر کے فیچر کو بھی متعارف کرایا گیا ہے۔