اوپو کے مڈ رینج اسمارٹ فونز کی رینو سیریز دنیا بھر میں بہت زیادہ مقبول ہے اور اسی وجہ سے کمپنی سال میں کم از کم 2 بار ان فونز کو اپ ڈیٹ کرتی ہے ۔

رواں سال ماہ مئی میں کمپنی نے رینو 6 سیریز کے 3 فونز  متعارف کرائے تھے جن میں سے اب رینو 6 کو پاکستان میں پیش کیا گیا ہے۔

پاکستان میں یہ فون ابھی پری آرڈر میں 2 رنگوں میں دستیاب ہے اور اس کی قیمت 59 ہزار 999 روپے رکھی گئی ہے۔

اس فون میں 6.43 انچ کا فلیٹ امولیڈ ڈسپلے 90 ہرٹز ریفریش ریٹ اور ایف ایچ ڈی پلس ریزولوشن کے ساتھ دیا گیا ہے۔

فون میں 8 جی بی ریم اور 128 جی بی اسٹوریج موجود ہے مگر ریم ایکسپنشن ٹیکنالوجی بھی ڈیوائس کا حصہ ہے جس سے ورچوئلی 2۔ 3 یا 5 جی بی اضافی ریم پاور ڈیوائس کو حاصل ہواتی ہے۔

اوپو رینو 6 کوالکوم کے اسنیپ ڈراگون 720 جی پراسیسر سے لیس ہے۔

رینو 6 میں بیک پر 4 کیمروں کا سیٹ اپ موجود ہے جس میں مین کیمرا 64 میگا پکسل کا ہے جس کے ساتھ 8 میگا پکسل الٹرا وائیڈ، 2 میگا پکسل میکرو اور 2 میگا پکسل ڈیپتھ ڈیٹا کیمرے موجود ہیں۔