گوگل میٹ، ایک نئی ویڈیو کانفرنسنگ سروس ہے جو کہ خاص طور پر بڑے پیمانے پر ویڈیو کانفرنسوں کے لئے تیار کیا گیا  ہے۔

حال ہی میں گوگل کی جانب سے ایک ایپلیکیشن میں ایک فیچر کا اضافہ کیا گیا ہے جس میں ویڈیو کالز کے دوران تمام دوستوں کو آسانی سے دیکھ سکیں گے۔

گوگل میٹ کے ویب ورژن میں اب کسی فرد کے ویب کیم میں کم روشنی کو ڈیٹکٹ کرنے والے سسٹم کا اضافہ کیا جارہا ہے۔

اس ورژن کے تحت جس صارف کی اسکرین پر روشنی کم ہوگی گوگل میٹ خود کال برائٹنس کو بڑھا دے جس کی مدد سے دیگر صارفین اپنے ساتھی کو ویڈیو کال کے دوران دیکھ سکیں گے۔

گوگل کے مطابق اکتوبر کے وسط سے یہ فیچر ورک اسپیس، جی سیوٹ بیسک اور بزنس صارفین سمیت تمام صارفین کو دستیاب ہوگا لیکن اگر صارف چاہے تو اس فیچر کو سوئچ آف بھی کرسکتا ہے۔

خیال رہے کہ گوگل میٹ کی موبائل ایپس میں لو لائٹ موڈ کو 2020 میں متعارف کرایا گیا تھا اور اب ویب ورژن میں اس کا اضافہ کیا جارہا ہے۔

واضح رہے کہ لو لائٹ موڈ کے لیے اے آئی ٹیکنالوجی کو استعمال کیا گیا ہے جو روشنی کا معائنہ کرنے کے بعد برائٹنس کو بڑھا دیتی ہے۔