واٹس ایپ صارفین کو ڈیسک ٹاپ ایپ یا واٹس ایپ ویب کے اندر پرائیویسی سیٹنگز کی تبدیلی کی اجازت نہیں ہے اس لیے اسے موبائل فون پر واٹس ایپ استعمال کرنا ہوتا ہے۔

لیکن اب واٹس ایپ جلد ہیاپنے صارفین کو ڈیکس ٹاپ پر لاسٹ سین، پروفائل فوٹو، اباؤٹ اور دیگر رازداری کی ترتیبات کو تبدیل کرنے کی سہولت دینے والا ہے۔

اس حوالے سے جاری رپورٹ کے مطابق واٹس ایپ صارفین کو ڈیسک ٹاپ کے لئے ایپ کی سیٹنگز میں لاسٹ سین، پروفائل پکچر اور بہت کچھ تبدیل کرنے کے آپشنز دیکھے جا سکتے ہیں۔

اس کے علاوہ صارفین گروپ سیٹنگز کو بھی تبدیل کر سکیں گے اور یہ انتخاب کر سکیں گے کہ انہیں گروپس میں کون ایڈ کر سکتا ہے۔

واٹس ایپ ڈیسک ٹاپ کے ذریعے بلاک شدہ فون نمبرز کا انتظام پہلے ہی ممکن ہے لیکن اب اس آپشن کو ایک نئے سیکشن میں منتقل کر دیا جائے گا۔

رپورٹ میں یہ نہیں بتایا گیا ہے کہ یہ فیچر کب متعارف کرایا جائے گا لیکن زیادہ امکان ہے کہ یہ سب سے پہلے بیٹا ٹیسٹرز کے لیے دستیاب ہوگا۔