فیس بک کمپنی جس کا نام تبدیل کر کے میٹا رکھ دیا گیا ہے ، ایک ایسی اسمارٹ واچ کی تیاری میں مصروف عمل ہے جس میں تصاویر لینے اور ویڈیوز بنانے کی صلاحیت ہوگی۔

اس حوالے سے جاری ایک رپورٹ میں بتایا گیا ہے کہ اس ڈیوائس کو میلان کا نام دیا جاسکتا ہے۔

رپورٹ میں بتایا گیا ہے کہ اس اسمارٹ واچ کے ڈیزائن کی تصویر بھی لیک ہوگئی ہے جو کہ آئی فون کی اسمارٹ وچ سے ملتی جلتی ہے۔

راؤنڈ کارنر اور ایک کیمرے کے علاوہ یہ اسمارٹ واچ اسٹین لیس اسٹیل کیسنگ اور ڈی اٹیچ ایبل اسٹریپ سے لیس نظر آتی ہے۔

فیس بک کی سرپرست کمپنی کی جانب سے پہلے ہی پراڈکٹ کی 3 جنریشن پر کام کیا جارہا ہے جن کو مختلف اوقات میں ریلیز کیا جائے گا۔

ابھی یہ بھی واضح نہیں کہ لیک تصویر ان میں سے کسی ایک اسمارٹ واچ کی ہے یا اسے لانچ بھی کیا جائے گا یا نہیں۔