اوپو کمپنی کی جانب سے A55sکے نام سے نیا  5 جی انٹری لیول اسمارٹ فون متعارف کرادیا گیا ہے۔

کمپنی کا یہ فون  A55کی طرز کا ہے جس میں  4 جی بی ریم اور 64 جی بی اسٹوریج موجود ہے اور مائیکرو ایس ڈی کارڈ سے مزید اضافہ کیا جاسکتا ہے۔

اوپو اے 55 ایس کے اندر کوالکوم کا اسنیپ ڈراگون 480 پراسیسر موجود ہے اور فون کے فرنٹ پر 8 میگا پکسل سیلفی کیمرا پنچ ہول ڈیزائن میں چھپا ہوا ہے۔

اس فون میں استعمال کی جانے والی بیٹری 4000 ایم اے ایچ کی ہے جبکہ اینڈرائیڈ 11 آپریٹنگ سسٹم کا امتزاج کلر او ایس 11 سے کیا گیا ہے۔

فون کے بیک پر ڈوئل کیمرا سیٹ اپ موجود ہے جس کا مین کیمرا 13 میگا پکسل کا ہے جس کے ساتھ 2 میگا پکسل ڈیپتھ ہیلپر کیمرا موجود ہے۔

اس فون کو سب سے پہلے جاپان میں فروخت کے لیے 26 نومبر سے پیش کیا جارہا ہے جس کی قیمت 287 ڈالرز (50 ہزار پاکستانی روپے سے زائد) رکھی گئی ہے۔