ممکن ہے جلد ہی لوگ اپنے اسمارٹ فونز کے کوور سے چھٹکارہ پالیں گیں کیوں کہ سائنسدانوں نے ایک اتنا سخت شیشہ تیار کرلیا ہے جو ہیرے سے بھی زیادہ مضبوط ہے۔

کاربن گلاس نامی یہ شیشہ چین کی جِیلِن یونیورسٹی کے محققین نے تیار کیا۔

انہوں نے یہ شیشہ بنانے کےلیے بکی بالز کو اینول پریس میں رکھا اور ان پر انتہائی درجہ حرارت اور دباؤ سے گزارا۔ بکی بالز کاربن کی ایسی قسم ہوتی ہے جو فٹبال کی طرح ہوتی ہے۔

نیجے دی گئی تصویر میں بننے والا شیشہ 30 GPa اور1598 F° پر تیار کیا گیا ہے۔ اگرچہ اس کی تیاری کم پریشر اور زیادہ درجہ حرارت یا اس کے برعکس ممکن تھی۔

102 GPa پر ملکنے والی سختی اس کو اب تک کے تمام شیشوں میں سخت ترین بناتا ہے۔ اس سے زیادہ سخت حال ہی میں بننے والا AM-III carbon  (113 GPa) ہے۔

تحقیق کے مصنف اور جیو کیمسٹ یِنگوی فی کا کہنا تھا کہ ’ان اعلیٰ خصوصیات کے حامل شیشے کا بننا نئی راہیں کھولے گا۔‘

’نسبتاً کم درجہ حرارت پر نئے سخت شیشے کا بننا اس کو وسیع پیمانے پر بنانے کو زیادہ حقیقی بناتا ہے۔

کاربن متعدد مستحکم ساخت رکھنے کے قابل ہوتا ہے جو اپنے مالیکیولر ڈھانچے کی بنیاد پر مختلف ہوتے ہیں۔ گریفائیٹ اور ہیرے جیسے کچھ اعلیٰ اسٹرکچر ہوتے ہیں جبکہ دیگر عام شیشے کی طرح بے ترتیب ہوتے ہیں۔