زی ٹی ای کمپنی کی جانب سے 18 جی بی ریم سے لیس دنیا کا پہلا اسمارٹ فون متعارف کرایا گیا ہے جو کہ  ایکسون 30 الٹرا کا اسپیشل ایرو اسپیس ایڈیشن کے نام سے پیش کیا گیا ہے۔

اس فون میں ایک ٹی بی اسٹوریج دی گئی ہے اور ورچوئل ریم کی بدولت یہ مجموعی طور پر 20 جی بی ریم کی سہولت فراہم کرتا ہے۔

فون میں  6.67 انچ کا او ایل ای ڈی ڈسپلے 144 ریفریش ریٹ کے ساتھ دیا گیا ہے تاہم یہ ڈسپلے 90 اور 120 ہرٹز ریفریش ریٹ موڈ سے بھی لیس ہے۔

اس کا بیک کیمرا سیٹ اپ ہے جو 4 کیمروں پر مشتمل ہے اور 4 میں سے 3 کیمرے 64 میگا پکسل سنسر سے لیس ہے، یعنی مین کیمرا 64 میگا پکسل کا ہے جس میں او آئی ایس اور ایف 1.6 آپرچر موجود ہے۔

دوسرا 64 میگا پکسل کیمرا کچھ بڑے لینس کے ساتھ ہے جبکہ تیسرا 64 میگا پکسل الٹرا وائیڈ کیمرا ہے۔

چوتھا کیمرا 8 میگا پکسل پیری اسکوپ سنسر کے ساتھ ہے۔ جبکہ فرنٹ پر 16 میگا پکسل کیمرا پنچ ہول ڈیزائن میں دیا گیا ہے۔

 یہ زی ٹی ای کا پہلا ایسا فون نہیں، اس سے پہلے وہ ایکسون 30 فائیو جی کی 12 جی بی ریم کے ساتھ 8 جی بی ورچوئل ریم کی سہولت بھی فراہم کرچکی ہے۔

اس نئے فون کو پیش کرنے کا مقصد چین کی اسپیس ایجنسی کی مختلف کامیابیوں کو خراج تحسین پیش کرنا ہے۔