ایپل کمپنی کی نئی لانچ کردہ آئی فون 13 سیریز کے 4 ماڈل اب پاکستان میں بھی فروخت کے لئے دستیاب ہونگے۔

آئی فون 13 سیریز کے ماڈل  پاکستان میں ایپل کے اتھارائز ڈسٹری بیوٹر Mercantile Pacific کی جانب سے پیش کیے جارہے ہیں جس میں آئی فون 13 منی، آئی فون 13، آئی فون 13 پرو اور آئی فون 13 پرو میکس شامل ہونگے۔

پاکستان میں آئی فون منی کا 128 جی بی اسٹوریج والا فون ایک لاکھ 84 ہزار روپے، 256 جی بی اسٹوریج والا فون 2 لاکھ 7 ہزار روپے جبکہ 512 جی بی اسٹوریج والا فون 2 لاکھ 48 ہزار روپے میں دستیاب ہوگا۔

آئی فون 13 کا 128 جی بی اسٹوریج والا ورژن 2 لاکھ 6 ہزار روپے، 256 جی بی اسٹوریج والا ماڈل 2 لاکھ 24 ہزار روپے       جبکہ 512 جی بی اسٹوریج والا فون 2 لاکھ 72 ہزار 500 روپے میں خریدا جاسکے گا۔

   آئی فون 3 پرو کا 128 جی بی اسٹوریج والا ماڈل 2 لاکھ 56 ہزار روپے، 256 جی بی اسٹوریج والا ورژن 2 لاکھ 72 ہزار روپے   ، 512 جی بی اسٹوریج والا فون 3 لاکھ 23 ہزار روپے اور ایک ٹی بی اسٹوریج والا آئی فون 3 لاکھ 69 ہزار روپے میں فروخت ہوگا۔

آئی فون پرو میکس کا 128 جی بی اسٹوریج والا ماڈل 2 لاکھ 94 ہزار روپے، 256 جی بی اسٹوریج والا فون 3 لاکھ 12 ہزار روپے، 512 جی بی اسٹوریج والا فون 3 لاکھ 55 ہزارروپے اور ایک ٹی بی اسٹوریج والے ماڈل کے لیے 3 لاکھ 99 ہزار روپے کا دستیاب ہوگا۔