ٹیسلا کی ویب سائٹ پر اشیاء کی فہرست میں ایک اور دلچسپ چیز کا اضافہ ہوگیا۔

بدھ کے روز ٹیسلا نے اپنی ویب سائٹ پر بچوں کےلیے ’سائبر کواڈ فار کِڈز‘ نامی چیز کا اضافہ کیا۔

پروڈکٹ کی تفصیل میں بتایا گیا کہ سائبر کواڈ کی ٹاپ اسپیڈ 10 میل فی گھنٹہ ہے اور یہ آٹھ اس سے زیادہ عمر کے بچوں کےلیے بنی ہے۔

ٹیسلا ویب سائٹ کے مطابق بچوں کی اے ٹی وی کی قیمت 1900 ڈالرز ہے دو سے چار ہفتوں میں اس کی شِپنگ شروع ہوجائے گی۔ لیکن آرڈرز کی ترسیل چھٹیوں سے قبل ہونے کی ضمانت نہیں۔

ٹیسلا کی دکان کے ایف اے کیو کا کہنا ہے کہ خریداروں کو کواڈ بائیک خود ہی جوڑنی ہوگی۔

یہ کواڈ بائیک ٹیسلا کے آنے والے الیکٹرک پِک اپ ٹرک، دی سائبر ٹرک سے بہت مشابہت رکھتی ہے۔

جب ٹیسلا نے 2019 میں سائبر ٹرک کی رُونمائی کی اس کے ساتھ اس نے اعلان کیا کہ وہ سائبر کواڈ نامی ایک فُل سائز ٹو سیٹر اے ٹی وی ٹرک بنائے گا، جو ٹرک کے ساتھ خریدا جاسکے گا۔

2019 میں سائبر ٹرک کی پریزنٹیشن کے دوران ایک سائبر کواڈ ٹرک کی پشت پر لوڈ بھی تھا۔

سائبر ٹرک کو 2021 میں شِپ کیا جانا تھا لیکن پروڈکشن 2022 تک بڑھا دی گئی۔

گزشتہ ہفتے ایک ٹوئٹ میں سی ای او ایلون مسک کا کہنا تھا کہ وہ جنوری میں سائبر ٹرک کے متعلق اپ ڈیٹ دیں گے۔

انہوں نے اس سال کو سپلائی چین کا ڈراؤنا خواب قرار دیا۔

ٹیسلا نے 2019 میں اے ٹی وی کے متعلق کیے جانے والے اعلان کے بعد اس حوالے بہت کم بات کی ہے۔