آکیوپیشنل سیفٹی اینڈ ہیلتھ ایڈمنسٹریشن OSHAمشہور ٹیکنالوجی کمپنی ایپل کے خلاف تحقیقات کر رہی ہے۔

فنانشل ٹائمز نے یہ خبر ایپل کے وسل بلوئرایشلے جووک کو محمکمہ لیبر کی جانب سے بھییجے گئے خط کو دیکھنے کے بعد بریک کی۔

خبر رساں ادارے کے مطابق خط پر 10 دسمبر کی تاریخ تھی جس نے تحقیقات کی تصدیق کردی۔

ڈیپارٹمنٹ آف لیبر نے بعد ازاں نیو یارک ٹائمز میں تصدیق کی کہ انہوں نے ایپل کے خلاف تحقیقات شروع کی ہیں۔

لیکن ٹائمز کے مطابق OSHAکا وسل بلوئر پروگرام تحقیقات کرے گا۔

فنانشل ٹائمز کے مطابق تحقیقات میں یہ دیکھا جائے گا کہ کیا ایپل نے جووک کے خلاف ردِ عمل دِکھایا یا نہیں۔

جووک نے ٹائمز کو بتایا کہ انہوں نے ایپل کے خلاف شکایت درج کرائی تھی کہ وہ اس بات کو یقینی بنائیں کہ ایپل ان کے خلاف ردِ عمل دِکھا کر فرار نہیں ہو سکتا۔

انسائیڈر کے لیے لکھتے ہوئے جووک نے کہا تھا کہ انہیں ایپل نے لیبر کی شکایات درج کرنے پر نوکری سے نکالا تھا اور انہوں نے ہراسگی سمیت کئی معاملات پر کمپنی کو سرِعام تنقید کا نشانہ بنایا۔

جووک نے کہا کہ انہوں نے جہاں وہ کام کرتی تھیں اس آفس میں ممکنہ تیزابی کیمیکلز کی موجودگی پر بھی تحفظات کا اظہار کیا تھا۔

ایک بیان میں ایپل نے کہا کہ کمپنی دفتر کے مثبت ماحول کو قائم رکھنے کے لیے مضوط عزم رکھتی ہے۔

ایپل کو اس سال ملازمین کو در پیش مشکلات میں اضافے کا سامنا ہے۔

15 اگست کو ملازمین نے ساتھ کام کرنے والوں کے لیے AppleTooنامی ایک ویب سائٹ بنائی جس پر وہ کمپنی میں پیش آنے والے ہراسگی اور امتیازی سلوک کے واقعات کو شیئر کر سکیں۔

جووک اکیلی ملازم نہیں ہیں جنہوں نے کمپنی پرمزاحمت کا الزام عائد کیا ہے۔

جینیک پیرِش، AppleToo کی شریک بانی، نے بھی نیشنل لیبر ریلیشن بورڈ کو نومبر میں ایک شکایت درج کرائی تھی جس میں ان کا کہنا تھا کہ انہیں غلط اور مشکوک وجوہات کی بنا پر نوکری سے نکالا گیا۔

ایپل کی ایک سابق ملازم شیر اسکارلیٹ نے بھی مذکورہ بالا ادارے میں ایپل کے خلاف شکایت درج کرائی تھی۔