برِنگ ہیمپٹن یونیورسٹی میں کی جانے والی نئی تحقیق کے مطابق اس بات کا امکان ہے کہ مریخ کا پانی شاید گارے کے منرلز میں جمع ہوگیا ہو۔

تحقیق میں معلوم ہوا کہ مریخ پر کچھ چار ارب سال قبل دریا بہا کرتے تھے، جھیلیں اور چشمے ہوا کرتے تھے۔ جو اب مریخ کی سرزمین کے میلوں نیچے چھپ گئے ہیں۔

محققین کا خیال ہے کہ پانی مریخ کی سطح کے 18 میل نیچے مٹی کی معدنیات میں گِھر گیا ہے۔

اسمیکٹائٹ نامی فولاد سے مالا مال منرل جو زمین پر بھی ہوتا ہے، چٹان اور پانی کے مخصوص ری ایکشن سے وجود میں آتا ہے۔

ٹیم نے مریخ پر فولادی اسمیکٹائٹ کا مشاہدہ کیا جو اسمیکٹائٹ کی درجہ حرارت کے اعتبار سے سب سے کم مستحکم قسم ہے۔

ارضایات کے پروفیسر ڈیویڈ جینکنس کا کہنا تھا کہ جب ٹیم نے اسمیکٹائٹ کو 30 کلو میٹر گہرائی میں 600 ڈگری سیلسیس پر مستحکم دیکھا تو یہ بات واضح ہوگئی کہ اسمیکٹائٹ مریخ پر پانی ایک بڑا ذخیرہ ہے۔

مریخ پر پانی کی موجودگی کا پہلا ثبوت ناسا نے 2006 میں دو گڑھوں کی تصویر جاری کرتے ہوئے دیا تھا۔

31 جولائی 2008 کو ناسا کے فوئینکس مارس لینڈر نے مریخ پر پانی کے برف کی تصدیق کی جس میں وہ تمام عناضر موجود تھے جو زمین پر پانی میں ہوتے ہیں، اور وہ برف کی کوئی دوسری قسم نہیں تھی۔

مریخ میں کئی قدیم خشک وادیاں اور دریا سے نکلتی ندیاں ہیں جو اس بات کی جانب اشارہ کرتی ہیں کہ ممکن ہے کبھی یہاں پانی بہتا ہو۔

ناسا کا روور اس وقت جیزیرو گڑھے کے مطالعے کے لیے جا رہا ہے۔ یہ مریخ پر ایک جھیل تھی جس میں 3.5 ارب سال پہلے پانی بھرا ہوا تھا۔