امریکی خلائی ادارہ ناسا اپنا اگلا لیزر کمیونیکیشن مشن اتوار کی علی الصبح لانچ کرے گا۔

لیزر کمیونی کیشن ریلے ڈیمونسٹریشن (ایل سی آر ڈی) فلوریڈا کے کیپ کیناورل اسپیس فورس اسٹیشن سے مشرقی معیار وقت کے مطابق صبح 4 بج کر 4 منٹ سے 6 بج کر 4 منٹ کے درمیان یونائیٹڈ لانچ ایلائینس ایٹلس 5 راکٹ پر پرواز بھرے گا۔

ایل سی آر ڈی امریکی اسپیس فورس اسپیس سسٹم کمانڈ کے اسپیس ٹیسٹ پروگرام 3 مشن کا حصہ ہے۔

ناسا کے مطابق یہ مشن ادارے کے چاند اور نظامِ شمسی کے حوالے سے کیے جانے مستقبل کے مشنز کی سپورٹ کے لیے لیزر کمیونیکیشن میں دریافتیں جاری رکھے گا۔ یہ لیزر کمیونیکیشن کے حقیقت میں ڈھلنے کی جانب بڑا قدم ہے۔

ناسا نے ہمیشہ خلاء بازوں اور اسپیس کرافٹ سے رابطے کے لیے ریڈیو فریکوئنسی سسٹمز کا استعمال کیا ہے۔

جیسے جیسے مشنز مزید ڈیٹا اکٹھا کریں گے اور بھیجیں گے، لیزر کمیونیکیشن روایتی ریڈیو فریکوئنسی سسٹمز سے زیادہ مقدار میں ڈیٹا بھیج سکیں گے جبکہ ریڈیو فریکوئنسی سسٹمز کی نسبت بینڈ وتھ 10 سے 100 تک بڑھ جائے گا۔

ناسا کے مطابق انفرا ریڈ لیزر کا استعمال کرتے ہوئے ایل سی آر ڈی زمین پر 1.2 گِیگا بائیٹس فی سیکنڈز کی رفتار سے ڈیٹا بھیجے گا۔ اس رفتار اور فاصلے سے ایک فلم ایک منٹ کے اندر ڈاؤنلوڈ کی جا سکتی ہے۔

مزید یہ کہ آپٹیکل کمیونیکیشن سے آلات کے سائز اور وزن اور پاور کی ضروریات میں کمی ہوجائے گی جس کا مطلب کم لاگت میں ہونے والی لانچ ہے جس میں اسپیس کرافٹس کی زیادہ بیٹریز خرچ نہیں ہوں گی۔