دنیا بھر میں گیمرز کے بڑھتے ہوئے رجحان کو مد نظر رکھتے ہوئے ایک ایسی ڈیوائس متعارف کرائی گئی ہے جو ان کے ہاتھ کی مالش کریگی۔

اس حوالے سے جاری رپورٹس میں بتایا گیا ہے کہ جاپانی گیم میکرز کی جانب سے ’ٹیبل ٹاپ ہینڈ مساجر‘ کے نام سے ڈیوائس متعارف کرائی گئی ہے۔

یہ ایک دستانہ نما دیوائس ہے جو کو ہاتھ پر پہنا جاتا ہے اور اس میں شامل مفرد فنکشنس بہت خاص ہیں۔

 رپورٹس میں بتایا گیا ہے کہ اس ڈیوائس کی مدد سے گیمر کے کھیلنے میں کسی قسم کی کوئی رکاؤٹ نہیں آئیگی اور وہ بغیر تھکے اپنا گیم مسلسل کھیل سکتا ہے۔

اس ڈیوائس کی خاص بات یہ ہے کہ گیمر کھیلتے ہوئے تھک جاتا ہے تو یہ آلہ اس کے ہاتھوں کے مسلز کو سکون دینے کے لئے مالش کا فنکشن ادا کرتا ہے۔

اس کے علاوہ اس ڈیوائس سے انگلیاں بھی چٹخائیی جاسکتی ہیں جبکہ ٹکور بھی کی جاسکتی ہے۔

اس ڈیوائس کی قیمت محض 150 امریکی ڈالر یا  ساڑھے 26 ہزار پاکستانی روپے ہے جو کہ ایمازون سے حاصل کی جاسکتی ہے۔