ٹیکنالوجی کمپنی سونی نے دعویٰ کیا ہے کہ انہوں نے گرین ٹورزمو سوفی نامی ایک ایسا مصنوعی ذہانت کا ایجنٹ بنایا ہے جو گرین ٹورزمو گیم میں اس کے بہترین انسانی ڈرائیورز کو شکست دے سکتا ہے۔

کمپنی کی جانب سے بیان میں کہا گیا کہ جی ٹی سوفی کو گیم کے لیے تیار کرنے کے لیے، سونی مختلف یونٹس کو بنیادی اے آئی ریسرچ میں لے کر آیا، ایک ماورا حقیقت حقیقی دنیا کی ریسنگ سِمیولیٹر اور اے آئی ٹریننگ کے لیے بڑے پیمانے پر انفرااسٹرکچر کو اکٹھا کیا۔

اے آئی کو پہلے جولائی میں گیم کے بہترین چار ڈرائیورز کے خلاف کھِلایا گیا۔

اے آئی نے انسانوں سے سیکھا اور اکتوبر میں ہونے والے دوسری ریس میں انسان ڈرائیورز کو مات دے دی۔

سونی اے آئی امریکا کے ڈائریکٹر اور اس اے آئی کو ڈیزائن کرنے والی ٹیم کے سربراہ پیٹر ورمین کا کہنا تھا کہ گی ٹی سوفی کو صفر سے سُپر ہیومن سطح تک پہنچانے کے لیے 10 سے 12 دن تک 20 پلے اسٹیشن بیک وقت چلائے گئے۔

سونی کی حریف کمپنی مائیکرو سافٹ، جس  نے حال ہی میں 69 ارب ڈالرز میں ’ایکٹیویژن‘ خریدی ہے، گیمز کو استعمال کرتے ہوئے مصنوعی ذہانت کو بہتر بنا رہی ہے۔

گرین ٹورِزمو گیم 1997 میں پہلی بار سامنے آیا اور تب سے اب تک اس کی آٹھ