19ویں صدی میں دریافت ہونے والے ایک سیارچے کے متعلق نیا انکشاف ہوا ہے کہ یہ اب تک دیکھا جانے والا پہلا کواڈرپل سسٹم ہے۔

ماہرین فلکیات کو معلوم ہوا ہے کہ 130 الیکٹرا نامی یہ 160 میل چوڑی چٹان کے ساتھ تین چھوٹے چاند ہیں۔

سیارچوں کے ساتھ ایسی خلائی اشیاء کا ہونا کوئی نئی چیز نہیں۔ دریافت شدہ 11 لاکھ سیارچوں میں سے 150 سے زائد کے پاس کم از کم ایک چاند موجود ہے۔ لیکن ان کی نشان دہی آسان نہیں ہوتی۔

الیکٹرا کو پہلی بار 1873 میں مریخ اور مشتری کے درمیان سیارچوں کی بیلٹ میں دیکھا گیا تھا۔

تاہم، اس کے پہلے چاند دریافت ہونے میں 130 سال لگے اور 2014 میں دوسرا چاند دریافت ہوا۔

ان کی نشان دہی مشکل سے ہونے کی وجہ یہ ہے کہ ایک تو یہ چھوٹے ہوتے ہیں اور دوسری یہ کہ ان کی روشنی بہت مدھم ہوتی ہے۔ اس لیے ایسے سیارچوں کے گرد گھموتی چھوٹی اشیاء دھندلی ہوتی ہے اور اس بات کے قوی امکان ہوتے ہیں کہ سیارچے کی روشنی ان کو مدھم کردے۔

صرف یہ نہیں، چاند جتنا سیارچے سے قریب ہوتا ہے اس کو دیکھنا اتنا مشکل ہوتا ہے۔ اسی طرح نظامِ شمسی سے باہر  ستاروں کے گرد گردش کرتے سیاروں کی شناخت بھی مشکل ہوتی ہے۔

یہ دریافت نیشنل آسٹرونامیکل ریسرچ انسٹیٹیوٹ آف تھائی لینڈ کے ماہرینِ فلکیات کی ٹیم نے کی جس کی رہنمائی اینتھونی برڈیو کر رہے تھے۔