ایک تحقیق میں معلوم ہوا ہے کہ 10 میں سے چھ افراد ایک دن سے زیادہ موبائل کے بغیر نہیں رہ سکتے۔

2000 اسمارٹ فون صارفین پر کیے جانے والے ایک سروے میں محققین کو معلوم ہوا کہ 10 میں سے تین افراد اپنا فون لیے بغیر گھر سے نہیں نکلتے۔

سروے کے مطابق 13 فی صد افراد  اپنی ڈیوائس راستے کی تلاش کے لیے استعمال کرتے ہیں جبکہ 16 فی صد اپنی ڈیوائسز کو آئینے کے طور پر استعمال کرتے ہیں۔

68 فی صد افراد اپنے اسمارٹ فونز کو تصاویر کھینچنے کے لیے استعمال کرتے ہیں، 64 فی صد وقت دیکھنے کے لیے اور 62 فی صد افراد اسمارٹ فون کا استعمال موسم کے متعلق جاننے کے لیے کرتے ہیں۔

سروے میں یہ بات بھی سامنے آئی کہ 27 فی صد افراد اپنی منزل پر پہنچنے کے لیے مکمل طور پر اپنے اسمارٹ فون پر انحصار کر رہے ہوتے ہیں جبکہ 35 فی صد افراد نے یہ اعتراف کیا کہ انہوں نے کبھی چَھپے ہوئے نقشے کا استعمال نہیں کیا۔

تحقیق یہ بھی معلوم ہوا کہ 12 فی صد افراد نے اعتراف کیا کہ ان کی فون کی بیٹری جب ختم ہو رہی ہوتی ہے تو انہیں شدید فکر لاحق ہوجاتی ہے۔

55 فی صد سے زائد افراد کا کہنا تھا کہ بیٹری کا ختم ہونا ان کے لیے ڈراؤنے خواب کی طرح ہے۔ ایک شخص دن میں کم از کم دو بار فون چارج کرتا ہے تاکہ اس مسئلے کا شکار نہ ہو۔